నాన్నతనం

నాన్నతనం
.

అమ్మతనాన్ని గుర్తించటం కొంచెం కష్టం కానీ
రోడ్డుపై అడుగడుగునా ఎదురయ్యే
నాన్నతనాన్ని సులువుగానే పోల్చుకోవచ్చు.
.

పార్కులో రెండుచేతుల్తో పీచుమిఠాయో
పల్లీలపొట్లాలో తీసుకెళ్తూ కనిపించవచ్చు.
.

సినిమా హాలులో రెండో మూడో కూల్ డ్రింకులో
ఐస్ క్రీములో మోసుకెళ్తూ ఎదురవ్వొచ్చు.
.

ఇంటికెళ్ళే వేళ స్వీట్ కొట్లోనో, ఫ్రూట్ షాపులోనో
ఏవో పొట్లాలు కట్టిస్తూ తారసిల్ల వచ్చు.
.

ఏ పేవ్ మెంటు మీదనో
స్కూల్ బేగ్గో, షూసో కుట్టిస్తూ కంటపడొచ్చు.
.

నాన్నతనాన్ని బజార్లో ఎక్కడున్నా
ఇట్టే గుర్తు పట్టేయవచ్చు
.

"సైజులు సరిపోకపోతే మారుస్తారు కదూ"
పిల్లల బట్టల షాపులో అంటూ ...
.

స్కూల్ విడిచాక వస్తూన్న పిల్లల గుంపులోంచి
"డాడీ" అన్న పిలుపు వచ్చిన వైపు అసంకల్పితంగా
చూసే అయిదారు జతల ఆతృత నేత్రాలలో....
.

"అన్నీ పట్టుకెళుతున్నావా" అని వందోసారి
అడుగుతూ ఎగ్జామ్ సెంటర్ వద్దనో...
.
ఎక్కడయినా సరే
నాన్నతనం తేలిగ్గానే దొరికిపోతుంది.
.

పిల్లలు కాలేజీ చదువులకై ఇల్లువిడిచాకా
వారి సెల్ ఫోన్లో ఒక నంబరుగా మిగిలిపోతుంది నాన్నతనం
.

శుభాకాంక్షల్ని, జాగ్రత్తలను క్రమం తప్పకుండా అందుకొంటూ.
.

అప్పుడు కూడా
.
.

పార్కు బెంచీపై కూర్చొని మిత్రులతో
కొడుకు సంపాదన, కోడలి మంచితనం
మనవల అల్లరిని కళ్లకు కట్టినట్లు వర్ణిస్తూ
కనిపిస్తుంది.......... నాన్నతనం.........
.
.

కొన్ని నీటి పొరలేవో కంటికడ్డు పడినప్పటికీ
.

ఈ కవిత Bolloju Baba గారిది . నాకు నచ్చి మీకు పంచాలి అనిపించి ఇలా పంచుతున్నాను . అభినందనలు ఆయనకు చెప్పండి . ఆయన టైం లైన్ లో నుండి కిందటి ఏడాది కొట్టుకుని వచ్చాను .

.

అమ్మతనాన్ని గుర్తించటం కొంచెం కష్టం కానీ
రోడ్డుపై అడుగడుగునా ఎదురయ్యే
నాన్నతనాన్ని సులువుగానే పోల్చుకోవచ్చు.
.

పార్కులో రెండుచేతుల్తో పీచుమిఠాయో
పల్లీలపొట్లాలో తీసుకెళ్తూ కనిపించవచ్చు.
.

సినిమా హాలులో రెండో మూడో కూల్ డ్రింకులో
ఐస్ క్రీములో మోసుకెళ్తూ ఎదురవ్వొచ్చు.
.

ఇంటికెళ్ళే వేళ స్వీట్ కొట్లోనో, ఫ్రూట్ షాపులోనో
ఏవో పొట్లాలు కట్టిస్తూ తారసిల్ల వచ్చు.
.

ఏ పేవ్ మెంటు మీదనో
స్కూల్ బేగ్గో, షూసో కుట్టిస్తూ కంటపడొచ్చు.
.

నాన్నతనాన్ని బజార్లో ఎక్కడున్నా
ఇట్టే గుర్తు పట్టేయవచ్చు
.

"సైజులు సరిపోకపోతే మారుస్తారు కదూ"
పిల్లల బట్టల షాపులో అంటూ ...
.

స్కూల్ విడిచాక వస్తూన్న పిల్లల గుంపులోంచి
"డాడీ" అన్న పిలుపు వచ్చిన వైపు అసంకల్పితంగా
చూసే అయిదారు జతల ఆతృత నేత్రాలలో....
.

"అన్నీ పట్టుకెళుతున్నావా" అని వందోసారి
అడుగుతూ ఎగ్జామ్ సెంటర్ వద్దనో...
.
ఎక్కడయినా సరే
నాన్నతనం తేలిగ్గానే దొరికిపోతుంది.
.

పిల్లలు కాలేజీ చదువులకై ఇల్లువిడిచాకా
వారి సెల్ ఫోన్లో ఒక నంబరుగా మిగిలిపోతుంది నాన్నతనం
.

శుభాకాంక్షల్ని, జాగ్రత్తలను క్రమం తప్పకుండా అందుకొంటూ.
.

అప్పుడు కూడా
.
.

పార్కు బెంచీపై కూర్చొని మిత్రులతో
కొడుకు సంపాదన, కోడలి మంచితనం
మనవల అల్లరిని కళ్లకు కట్టినట్లు వర్ణిస్తూ
కనిపిస్తుంది.......... నాన్నతనం.........
.
.

కొన్ని నీటి పొరలేవో కంటికడ్డు పడినప్పటికీ
.

ఈ కవిత Bolloju Baba గారిది . నాకు నచ్చి మీకు పంచాలి అనిపించి ఇలా పంచుతున్నాను . అభినందనలు ఆయనకు చెప్పండి . ఆయన టైం లైన్ లో నుండి కిందటి ఏడాది కొట్టుకుని వచ్చాను .