Tuesday, February 21, 2017

Fragments



1.
This apartment's window
is an open wound

The world lures with its
heavy breasts and
stout thighs
like a belly dancer

2.
The unsold roses
wilt and  dry off
The world is filled with
cheap plastic flowers
Life is Like That.....

3.
There
an enraged crowd is burning
the effigy of the king.
The innumerable souls of those
killed by the
bloodthirsty state immemorial
die laughing at loudly

4.
Which is less heavier?
The Dream that is relieved of
the weight of this world!
The Truth that gets rid of
its heart infested with fungus

Bolloju Baba

అమ్మ భాష


ఉగ్గుపాలతో పాటు పరవళ్ళు తొక్కుతూ ప్రవహించి
రక్తంలోకి ఇంకి పోతుంది మాతృభాష
తరువాత ఎన్ని భాషలు నేర్చుకొన్నా
అన్నీ పై పై ఆభరణాలే తప్ప
రక్తనిష్ఠం కాలేవు ఎవరికైనా.

మనకు ఈ దేహాన్ని ఇచ్చేది అమ్మయితే
ఈ ప్రపంచాన్ని పరిచయం చేసేది మాతృభాష
సృష్టి సౌందర్యాలు, జీవనోద్వేగాలు మొదటగా
మాతృభాషలోనే ఆవిష్కృతమౌతాయి.
మనం ఎలా ఆలోచించాలో
దేనిగురించి ఆలోచించాలో నేర్పుతుంది మాతృభాష
మానవజీవితంలో అమ్మ భావన ఎంత గొప్పో
అమ్మభాష కూడా అంతే ఘనమైనది.

భిన్న భాషలు, భిన్న జాతుల వారసత్వ సంపద కావొచ్చు
అమ్మ భాష మాత్రం
సమస్త మానవాళి యొక్క ఉమ్మడి సంభాషణ.

తేనెలో తీయదనం లీనమై ఉన్నట్లు
మన మాతృభాషలో మన చరిత్ర లయమై ఉంటుంది.
మన మూలాలు మన భాషలో
రహస్యంగా దాక్కొని ఉంటాయి
మన భవిష్యత్తు మన భాషలోంచి
తల వెలుపలికి సారించి చూస్తుంటుంది.
*****
సాహిత్యం మాతృభాషకి అమ్మ లాంటిది.
ఎందుకంటే
ఏ భాషైనా బతికేది, చిరకాలం నిలిచేది
దాని సాహిత్యంలోనే !

మాతృభాషకు పెద్దపీట వేయమంటే
దాని సాహిత్యానికి పెద్దపీట వేయమని అర్ధం.
మాతృభాషను కాపాడటమంటే
ఒక జాతి మూలాలను రక్షించుకోవటం.
మాతృభాషను ప్రేమించమంటే
పరభాషను ద్వేషించటం కాదు.
ఎందుకంటే
అమ్మ ఎవరికైనా అమ్మే!


బొల్లోజు బాబా

Monday, February 13, 2017

నాన్నతనం


అమ్మతనాన్ని గుర్తించటం కొంచెం కష్టం కానీ
రోడ్డుపై అడుగడుగునా ఎదురయ్యే
నాన్నతనాన్ని సులువుగానే పోల్చుకోవచ్చు.

పార్కులో రెండుచేతుల్తో పీచుమిఠాయో 
పల్లీలపొట్లాలో తీసుకెల్తూ కనిపించవచ్చు. 
సినిమా హాలులో రెండో మూడో కూల్ డ్రింకులో 
ఐస్ క్రీములో మోసుకెల్తూ ఎదురవ్వొచ్చు.
ఇంటికెళ్ళే వేళ స్వీట్ కొట్లోనో, ఫ్రూట్ షాపులోనో
ఏవో పొట్లాలు కట్టిస్తూ తారసిల్ల వచ్చు.
ఏ పేవ్ మెంటు మీదనో 
స్కూల్ బేగ్గో, షూసో కుట్టిస్తూ కంటపడొచ్చు.

నాన్నతనాన్ని బజార్లో ఎక్కడున్నా
ఇట్టే గుర్తు పట్టేయవచ్చు

"సైజులు సరిపోకపోతే మారుస్తారు కదూ"అంటో
పిల్లల బట్టల షాపులోనో,
స్కూల్ విడిచాకా వస్తూన్న పిల్లల గుంపులోంచి
"డాడీ" అన్న పిలుపు వచ్చిన వైపు అసంకల్పితంగా 
చూసే అయిదారు జతల ఆతృత నేత్రాలలోనో,
తన భుజాలపై ఎక్కించుకొని రెండడుగుల బాల్యానికి 
ఏడడుగుల ఎత్తునుంచి లోకాన్ని చూపిస్తూ- ఏదో జాతరలోనో,
"అన్నీ పట్టుకెళుతున్నావా" అని వందోసారి
అడుగుతూ ఎగ్జామ్ సెంటర్ వద్దనో...

ఎక్కడయినా సరే
నాన్నతనం తేలిగ్గానే దొరికిపోతుంది.

పిల్లలు కాలేజీ చదువులకై ఇల్లువిడిచాకా వారి సెల్ ఫోన్లో 
చివరకి ఒక నంబరుగా మిగిలిపోతుంది నాన్నతనం
శుభాకాంక్షల్ని, జాగ్రత్తలను క్రమం తప్పకుండా అందుకొంటూ.

అప్పుడు కూడా
పార్కు బెంచీపై కూర్చొని మిత్రులతో
కొడుకు సంపాదన, కోడలి మంచితనం
మనవల అల్లరిని కళ్లకు కట్టినట్లు వర్ణిస్తూ
కనిపిస్తుంది.......... నాన్నతనం.........
కొన్ని నీటి పొరలేవో కంటికడ్డు పడినప్పటికీ

బొల్లోజు బాబా