కరోనా పద్యం
కొన్ని పుస్తకాలు
జీవితాన్ని కొత్తగా చూపిస్తాయి
నిర్మానుష్య ద్వీపాంతరవాసంలా
నౌకాభంగపు అంతర్యానంలా
జీవితాన్ని కొత్తగా చూపిస్తాయి
నిర్మానుష్య ద్వీపాంతరవాసంలా
నౌకాభంగపు అంతర్యానంలా
పుస్తకం చివరి పేజీకి చేరుకొన్నాక
కొన్ని వాక్యాలో లేక ఉద్వేగాలో
కొమ్మచివర వేలాడే పిట్టగూడులాంటి
చిక్కని అల్లికతో
హృదయాన్ని పెనవేసుకొంటాయి.
కొన్ని వాక్యాలో లేక ఉద్వేగాలో
కొమ్మచివర వేలాడే పిట్టగూడులాంటి
చిక్కని అల్లికతో
హృదయాన్ని పెనవేసుకొంటాయి.
జోళ్ళు విప్పి ఇంట్లోకి రమ్మనే
అమ్మ జ్ఞాపకాలు
చేతులు కడుక్కొని అన్నం తినమనే
నాన్న మందలింపులు
వాక్యాలై, ఉద్వేగాలై ప్రవహిస్తాయి
అమ్మ జ్ఞాపకాలు
చేతులు కడుక్కొని అన్నం తినమనే
నాన్న మందలింపులు
వాక్యాలై, ఉద్వేగాలై ప్రవహిస్తాయి
నీటిపై పొడవైన కాళ్లతో
సాలీడల్లే నడిచిపోయే కాలం
ఇదే నా చివరి పేజీ అని ఏనాడూ చెప్పదు
మనమే గ్రహించాలి.
సాలీడల్లే నడిచిపోయే కాలం
ఇదే నా చివరి పేజీ అని ఏనాడూ చెప్పదు
మనమే గ్రహించాలి.
బిడ్డ ఆకలెరిగి రైక విప్పి నోటికి
స్తన్యం అందించే తల్లిలా
ఎవరి జీవితాలను వారిపుడు
భద్రంగా చేతుల్లోకి తీసుకొని
కాపాడుకోవాల్సిన సమయమిది.
స్తన్యం అందించే తల్లిలా
ఎవరి జీవితాలను వారిపుడు
భద్రంగా చేతుల్లోకి తీసుకొని
కాపాడుకోవాల్సిన సమయమిది.
బొల్లోజు బాబా
No comments:
Post a Comment