Kanupriya Dhingra, Subhash Mukhopadhyay poems

1. Hibernation by Kanupriya Dhingra

ప్రతీ శీతాకాలం
ఐస్ క్రీమ్ అబ్బాయి
పల్లీల అబ్బాయి
అవుతుంటాడు.
పాపం
అతనికి శీతాకాల నిద్ర ఉండదు.
***

2. వ్యూహ కర్తలకు - To the Game Planners by Subhash Mukhopadhyay

ఎప్పుడైనా
నేను చెస్ ఆడదామని కూర్చొంటే
లక్షలాది వ్యూహకర్తలు
వాళ్ళ వాళ్ళ పనులు మానుకొని
నా భుజాలపై ఒంగి నేనేం ఎత్తు వెయ్యాలో
వాళ్ళే చెప్పేస్తుంటారు

చాలా గందరగోళంగా ఉంటోంది.
చేతులు జోడించి వారితో చెప్పనా?

ప్రియమైన పెద్దలారా
దయచేసి ఒద్దికగా కూర్చొని
నా ఆట చూడండి లేదా
మీ పనులు మీరు చూసుకోండి

నన్ను మన్నించండి
నేటినుంచి నా ఆట నన్ను
ఆడుకోనివ్వండి

అనువాదం: బొల్లోజు బాబా