The Orange - Wendy Cope
.
అల్పాహార సమయంలో
ఒక పెద్ద కమలాపండు కొన్నాను
దాని సైజు చూసి అందరూ నవ్వారు
తొక్క వలిచి రాబర్ట్ కి, దేవ్ కి పంచి
నేను తిన్నాను
వారికి చెరో పావు, నాకు సగం
చిన్నచిన్న విషయాలు నాకు ఎంతో ఆనందాన్ని ఇస్తాయి
ఆ కమలాపండు ఇచ్చినట్లు.
సాయింత్రమయ్యాకా కొద్దిగా షాపింగ్ చేసాను
పార్క్ లో కాసేపు నడిచాను
ఇదే శాంతి, ఇదే సంతృప్తి.
ఆ రోజంతా నిమ్మళంగా నడిచింది
నేను చేయాల్సిన పనులన్నీ ఆస్వాదిస్తూ పూర్తిచేసాను
ఇంకా కొద్దిసమయం మిగిలింది
జీవించి ఉన్నందుకు సంతోషం
నీ ప్రేమకు ధన్యురాలను
.
Source: The Orange by Wendy Cope
అనువాదం: బొల్లోజు బాబా
No comments:
Post a Comment