అభినందనలు

 అభినందనలు

తమ్ముడా.....అని ఆశీర్వదించే అన్నగారి వాత్సల్యానికి సదా వినమ్రచిత్తుడను.....

ధన్యవాదములు సర్... మీ ప్రేమపూర్వ ఆశీస్సులకు... ఈ నాలుగువాక్యాలు చాలా విలువైనవి,

మా నాన్నగారి ప్రస్తావనను గుండెల్లో దాచుకొంటాను...

Madhunapantula Satyanarayanamurthy గారికి ధన్యవాదములతో

బొల్లోజు బాబా

****

పద్యం.

తెలుగున వేళ యేండ్లుగ గతించిన గాథలపెంపు కొండ గు

ర్తుల పెనుగుంపు గాని 'యిది రూఢిగ నిట్టిది"నాగ దెల్ప నె

వ్వలన నసాధ్య, మైన నొకపాటి చరిత్రము నేడు నేర్పుదీ

ర్పుల బరిశీలకుల్ తడవి ప్రోవులు వెట్టిరి పుణ్య బుద్ధులై.

తెలుగు నేలలో వేల సంవత్సరాల కథల అభివృద్ధి సాధారణ మైన గుర్తులు యొక్క పెద్ద గుంపు మాత్రమే. ఇది ఇటువంటిది. దీనిపుట్టుక ఇది అని చెప్పడానికి వీలు కానిది. ఐనా ఒకపాటి చరిత్రను పరిశీలించారు కొందరు పుణ్య బుద్ధులు.

ఇది ఆంధ్రపురాణం అవతారిక లో సత్యనారాయణ శాస్త్రి గారి అభిప్రాయ ప్రకటన.

కొందరు పుణ్య బుద్ధులై న వారివల్ల చరిత్ర నమోదై భవిష్యత్తరాలకి అందుతోంది.

చరిత్ర రచన మామూలు సంగతి కాదు. అధ్యయనం చేయాలి. ఆకళింపు చేసుకోవాలి. వ్యక్తిగతమైన ప్రేమలూ పక్షపాతాలూ పక్కన బెట్టాలి.

ఇంతా చేసాక తారీఖు లు, దస్తావేజులు, శాసనాలూ, కైఫియతులూ గా రచన చేస్తే చప్పగా వుండి చదివేవాడు చప్పున పక్కన పెట్టేస్తాడు.

ఇదంతా ఎందుకంటే బాబా అనగా బొల్లోజు బాబా ఇటీవలే ప్రచురించిన ప్రాచీన పట్టణాలు (తూర్పుగోదావరి జిల్లా) గ్రంథం.

అతడు ఎప్పటిలాగే తనరచన ప్రేమతో ఇచ్చారు.

ఆసక్తి కరమైన శైలి బాబాది. ఇలాంటి రచన చదవాలంటే శైలి ముఖ్యం. కవిత్వ భాష తెలిసిన బాబాకి శైలెందుకు తెలియదు.?

నేను పుట్టిన ఊరు పిఠాపురం. మాతామహస్థానం.

ఎప్పటి నుంచో దీని చరిత్ర, నేపథ్యం లాంటి వి తెలుసుకోవాలనే ఆసక్తి. చిన్నప్పుడు మేనమామ లతో సన్యాసిరాళ్ల సంగతులు. కుంతీమాధవ, కుక్కుటేశ్వరుల సంగతులు గుర్తొచ్చింది. ఎంత పౌరాతన్యమేచికొనెనో తెలియచెప్పిన బాబా కి థాంక్స్.

శాతవాహన, మాధరులు పరిపాలన చేసిన సంగతి తెలియని తెలియదు. నాకు పిఠాపురం చరిత్రంటే గంగాధర రామారావు గారి పిఠాపురం చరిత్రే. అదికూడా కవిజన పోషకుడు ఆంధ్రభోజుడు సూర్యారావు బహద్దూర్ గారి నుండే తెలుసు వీరి ఆస్థానకవి ఓలేటి వేంకట రామశాస్త్రి గారు

రాజా వారి సంగతులు మా ముత్తాత గారి సంగతులు ఆనాటి సాహిత్య వైభవం పెద్దల వల్ల వినడమే.

బాబా నిజానికి సైన్స్ రంగానికి చెందిన వాడు. ఆతని ప్రాధాన్యత, పరిశీలన చరిత్ర కి సంబంధించినది.

బాబా తండ్రి గారు బసవ లింగం గారు మంచి కవి, రచయిత, ఫ్రెంచి పండితుడు. నాకు ఆత్మీయ మిత్రుడు. ఆయన దగ్గర ఫ్రైంచ్ నేర్వాలని వుండేది.

రాజీ ధోరణి కాకుండా దీక్ష తో పట్టుదలతో పుణ్య బుద్ధితో

రచించారు.

అభినందనలు

తమ్ముడా.

Madhunapantula Satyanarayanamurthy