Monday, December 1, 2008

అనుమానప్పక్షి

లేగ దూడ
కట్రాట గుంజుకు పోయింది.
దాచేసుకొన్న పాలను
చేపుతోంది ఆవు.
దూడ మెడలో గంట
దొంగలిద్దరినీ పట్టించేసింది.

మట్టుపైని అణుగుకోడి
ముక్కుతో గుడ్లను మరోసారి
లెక్కెట్టుకొని, దగ్గరకు లాక్కొంది.



బొల్లోజు బాబా


7 comments:

  1. ardam kaaledu baaaba garu.koncham vivarincha galara

    ReplyDelete
  2. మీరింత సింపుల్ గా రాయడం ఇదే మొదటిసారేమో... ? కవిత చాలా బావుంది..!

    ReplyDelete
  3. స్పందించిన అందరకూ ధన్యవాదములు
    క్రాంతికుమార్ గారు
    ఈ కవితలో ఒక గ్రామీణ నేపద్యంలో జరిగే చిన్న చిన్న సంఘటనలు వర్ణించానండి.

    కొన్ని దొంగ ఆవులు సాధారణంగా పాలను దూడ తాగుతున్నంత సేపూ దానికివ్వటానికై చేపుతాయి, ( చేపు: the udder gets filled with milk)దూడను తొలగించి రైతు పితకటం మొదలు పెట్టగానే ఎగచేపుతాయి(పొదుగులోకి వచ్చిన పాలను పైకి లాగేసుకొంటాయి).

    అలా చేసిన ఒక దొంగ ఆవు వద్ద పాలను తాగటానికై ఒక లేగదూడ కట్రాట తెంపుకొని తల్లి వద్దకు వెళ్ళింది. దూడ మెడలోని గంట మోగి దొంగలిద్ద్దరినీ పట్టించి వేసింది.

    అంతటితో ఒక హైకూ లా కవిత ఆగిపోవచ్చు కానీ అది చదివిన మా ఆవిడ ఇదేం కవిత, ఇది మామూలుగా జరిగే విషయమే కదా అని ఓ పోటు ......

    కొనసాగింపుగా రెండవ చరణం
    ఈ తతంగం అంతా చూస్తున్న ఒక అణుగు కోడికి (brooding hen) అనుమానం వచ్చింది. తనగుడ్లను కూడా రైతు మాయం చేసేసాడేమోనని. అందుకనే అది ఒకసారి గుడ్లను లెక్కెట్టుకొని, దగ్గరకు లాక్కొంది. దాని అనుమానం కాకపోతే రైతెప్పుడు మట్టులోని (cletch) గుడ్ల జోలికి రాడన్న విషయం తెలియదు కదా ఆపిచ్చి అనుమానప్పక్షికి.

    thankyou kothapaalee gaaru and bhagavaan gaaru

    bollOju baabaa

    ReplyDelete
  4. నేను దొంగ ఆవులన్న పదం రైతు పాయిట్ ఆఫ్ వ్యూ నుంచి మాత్రమే సుమా. పాపం అది పిల్లకోసమై ఆపని చేస్తుంది.
    బొల్లోజు బాబా

    ReplyDelete
  5. బాబా గారు చాలా బాగుంది.

    ReplyDelete
  6. భగవాన్ గారన్నట్లు మీరింత సింపుల్ గా రాయడం ఇదే చూస్తున్నాను, చాలా బాగుంది.

    ReplyDelete