దుఃఖ సమయం...
.
చిన్నిపాప ఏడుస్తోంది
మాజిక్ చెయ్యనా అన్నాను
ఏడుపు ఆపి ఆసక్తిగా నావైపు చూసింది
రూపాయి నాణెం ఒకటి తీసుకొని
అరచేతిలో ఉంచుకొని గుప్పెట మూసి
రెండో చేతిని ఆ గుప్పెట చుట్టూ ఆడిస్తూ
విచ్చుకొన్న పాప కళ్ళలోకి చూస్తూ
"అబ్రకదబ్రా" అని మూడుసార్లు అని
గుప్పెట తెరిచాను
నాణెం మాయమైనందుకు
పాప ఏడుపు మాని
తప్పట్లు కొడుతూ గంతులు వేసింది
ఒక్కసారిగా పాప పరుగెత్తుకొంటూ వెళ్ళి
దూరంగా ఉన్న వాళ్ళ నాన్న చేతిలోని
సెల్ ఫోన్ ను తీసుకొచ్చి
నా చేతిలో ఉంచి గుప్పిట మూసి ఊపుతూ
నా కళ్ళలోకి చూస్తూ
"అబ్బకదబ్బరా ...... అబ్బకదబ్బరా" అంటోంది
.
బొల్లోజు బాబా
No comments:
Post a Comment