చలిరాత్రి రాసిన కవిత by JIE XISI (1274–1344)

.
మంచురాలే ఆకాశంలో పలుచగా
పరచుకొన్న తారలు చలికి గడ్డకట్టాయి
ప్రవహించే చందమామ
అడవిని ముంచెత్తింది
ఆగాగి వినిపించే రాలేఆకుల శబ్దాల మధ్య
ఈ ఖాళీ ఇంట్లో నాకు నిద్రపట్టదు
.
అనువాదం: బొల్లోజు బాబా
Source: Written on a Cold Night by JIE XISI (1274–1344)
.
JIE XISI నిరుపేదకుటుంబంలో జన్మించి కష్టపడి చదువుకొని రాజాస్థానంలో చరిత్రకారునిగా స్థిరపడ్డాడు. ఇతని వచనం పొందికగా, క్లుప్తంగా ఉంటుందని పేరు. ఇతని కవిత్వం "మూడురాత్రులు ముగిసిన పెళ్ళికూతురు" లా ఉంటుందని ఇతని సమకాలీన కవి అయిన Yu Ji వ్యాఖ్యానించాడట.