Comment made on respectable friend's wall

## ఒకే సర్. థాంక్యూ. ఇదే మీ సమాధానం అయితే నేనేమి అనలేను. ఒక్కటే గుర్తుచేయగలను. ఆనాటి సమకాలీనులు ముస్లిం, హిందూ లేదా యూరోపియన్ కథనాలలో "జీహాద్" అని అన్న ఒక్క వాక్యం చూపండి అని పదే పదే అడిగాను. అది చూపనంతవరకూ ఎవరెన్ని వాదనలు చేసినా అది ఈ రోజు మనకు కావలసిన విధంగా చరిత్రను వక్రీకరించటంగా భావిస్తాను. మనకు కావలసినట్లు చరిత్ర ఉండదు.
## ముస్లిమ్ సైనికులు మోసం చేసి పక్షాలు మారినంత మాత్రాన అది జీహాద్ అవుతుందా? అంబి, పుష్యమిత్రుడు, జైచంద్, సాళువనరసింహ, మరాఠా రఘునాథరావు ఎంతమంది లేరు చరిత్రలో వెన్నుపోటు మోసకారులు. రాజ్యకాంక్షను దాని డైనమిక్స్ ను అర్థం చేసుకోకుండా అంతా మతమే ఉందనీ, హిందూముస్లిం యుద్ధాలన్నీ జీహాద్ లు అని ఏ ఆధారాలు లేకుండా అంటే ఎలా?
భారతదేశంలోని ముస్లిమ్ యుద్ధాలన్నీ జీహాద్ లే అని ఒక దశాబ్దకాలంగా ఎవరంటున్నారో గమనిస్తూ కూడా అలాగే అనటంలోని ఔచిత్యాన్ని, నిజాయితీని ప్రశ్నించటం తప్పందుకవుతుందీ?
వాస్తవానికి సుల్తానులు తళ్ళికోట యుద్ధంలో గెలిచిన తరువాత విజయనగర సామ్రాజ్యాన్ని తమ రాజ్యంలో కలుపుకోలేదు. అది ముస్లిం రాజ్యం కాలేదు. రాయలవారి కుటుంబ వారసులకే వదిలి వెళిపోయారు. అలా విజయనగర సామ్రాజ్యం మరో 80 ఏళ్ళు కొనసాగింది. దీన్ని జీహాద్ అందామా లేక అతిగా వ్యవహరిస్తున్న రామరాయలకు బుద్ధిచెప్పటంగా అనుకోవాలో మీరే చెప్పండి.
•••
పాత ముస్లిం యుద్ధాలన్నీ అర్జంటుగా జీహాదులగా చెప్పటం అనేది ఇప్పుడు అవసరపడింది ఎందుకంటే...నేడు హిందుత్వవాదులు ముస్లింలపై చేస్తున్న దాష్టీకాలన్నిటికీ లెజిటమేసీ కల్పించటం కోరకు అనేది ఎవరికి తెలియని అంశం. అందుకే ఇన్నిన్ని అబద్ధాలు ఆడుతున్నారు.
****
వ్యాసంలో వాడిన "హిందూ ధర్మ సురత్రాణ" అనే పదం హిందుత్వ వాదుల సృష్టి.
ముస్లిమ్ రాజులు వివిధ యుద్ధాలలో విజయం సాధించి సుల్తానులుగా తమని తాము ప్రతిష్టించుకొన్నాక సంస్కృత శాసనాలలో వారు హమ్మీర (అమీరు), సురత్రాణ (సుల్తాను) లాంటి సాంస్క్రిటైజ్ చేయబడిన పేర్లతో పేర్కొనబడ్డారు. ఇవే పేర్లను హమ్మీర చౌహాన్, హమ్మీర వర్మన్ అంటూ కొందరు హిందూ రాజులు కూడా అనుకరించటం గమనార్హం.
శాసనాలలో హిందూ అన్నపదం 1347 లో విజయనగర రాజు మారెప్ప తనని తాను “హిందురాయ సురతాల” గా (హిందూరాజులలో సుల్తాను) చెప్పుకొన్నప్పుడు మొదటి సారిగా కనిపిస్తుంది. కొన్నాళ్ళకు ఈ పదం హిందూరాయ సురత్రాణ గా స్థిరపడింది. ఇది హిందూ ఇస్లాం Syncretism (సమ్మేళనం) కు గొప్ప ఉదాహరణ అంతే తప్ప మనుషుల్ని విడదీసే "హిందూ ధర్మ సురత్రాణ" అన్న పదం చరిత్రలో ఎక్కడా లేదు.
ఇది వాట్సప్ చరిత్రకారుల సృష్టి. ఆ పదంపట్టుకొని ఎక్కువ సేపు వాదించలేం.
బొల్లోజు బాబా
other references
1.Epigraphia Carnatica Inscription In Kolar District Vol.10, pn. 270
2. Epigraphia carnatica. By B. Lewis Rice, Director of Archaeological Researches in Mysore, pn 51
Ps.
పట్టణాలను దహనం చేసి నాశనం చెయ్యటం యుద్ధాలలో సహజం. కొన్ని ఉదాహరణలు
వాతాపి ని -పల్లవులు
అనురాధపురాన్ని - రాజరాజు
కల్యాణిని - చోళులు
దేవగిరినిని - యాదవులు, లాంటివి కనిపిస్తాయి.
మంగిరాజు ఖండిత శిరస్సుతో యుద్ధభూమిలో చాళుక్యరాజు ఫుట్ బాల్ ? ఆడుకొన్నారని ఒక శాసనం చెబుతుంది.
నిన్నమొన్నటి Sambhaji సైనికులు శత్రురాజ్యాల స్త్రీలను ఎత్తుకుపోయి అమ్ముకున్నట్లు రిఫరెన్సులు ఉన్నాయి.
ఇవన్నీ యుద్ధ ఉన్మాదాలు. వాటిని మత ఉన్మాదాలుగా చిత్రించటం నేటి విద్వేష రాజకీయాలు. తద్వారా బ్రాహ్మణాధిక్య సమాజాన్ని పునఃప్రతిష్ట చేయాలని పండితుల దురాలోచన. అంతిమంగా లబ్ది ఎవరికి అనేది విలాస శాసనం లో స్పష్టంగానే ఉంది
ఈ సూక్ష్మం తెలియనంతకాలం ప్రతిమనిషి పక్కమనిషిని ద్వేషిస్తూనే ఉంటారు