ఇల్లు విడిచిన పిల్లలు

కాలేజీ చదువులకై
సూట్‌కేసుల్లో
కలలు సర్దుకొని వెళ్లిన పిల్లలు
ఫోన్ నంబర్లుగా మాత్రమే మిగిలారు.

అదే ఇల్లు
అదే కాలండరు
అదే గడియారం
అన్నీ ఒకేలా నిలిచిపోయినట్లు
అదే బరువు
అదే అలసట
అదే నిశ్శబ్దం

జ్ఞాపకాల దీపం
వెలుగుకన్నా నీడనే
ఎక్కువగా పంచుతుంది.

చివరకు నిశ్శబ్దం
దేహంపై దుప్పటిలా పరుచుకొంది.

ఇల్లు విడిచిన పిల్లలు
ఫోన్ లో
వీడియో కాల్ గా
మాత్రమే తిరిగొచ్చారు.

బొల్లోజు బాబా