ప్రియవిభునకు....

ప్రియవిభునకు....
.
ఇన్నేళ్ళ నా ప్రయాణంలో
చివరకు నువ్వు మాత్రమే మిగిలావు నాకు
నీవేంటో తెలుసుకోగలిగానుకానీ
నేనేంటో తెలుసుకోలేకపోయాను.
ప్రభూ
నీ కాంతిని ఈ చిన్ని చేతుల్లో
ఇముడ్చుకోలేకపోతున్నాను
జారిపోతోంది
కారిపోతోంది
పొరలిపోతోంది
ఈ దుమ్ములో,
దహించే ఈ దాహంలో
నన్నునేను కోల్పోతున్నాను
చీకట్లోకి
చిమ్మెటల శబ్దాలలోకి
నేను కరిగిపోతున్నాను
ప్రభూ!
నిన్ను నేను
పూర్తిగా నిరాశ పరచాననే నా చివరి వాక్యాన్ని
ఈ కూలుతున్న స్వప్నాలపైనా
ఈ వాలుతున్న దిక్కులపైనా
రాసే శక్తిని ప్రసాదించు
మరొక సారి జీవించే అవకాశం ఇచ్చి
నీ ప్రేమను శైశవం నుంచే గ్రహించేలా చేయి
ప్రభూ!
.
బొల్లోజు బాబా
26/6/2022