ఒక మిత్రుడు సూచించిన విధంగా థెరిగాథల అనువాదం పూర్తయింది. పుస్తకరూపంలోకి తేవాలని ఉంది. విశ్లేషణా వ్యాసాలరూపంలో కాక గాథలన్నీ వరుసగా ఉంటూ పుస్తకం చివరన వాటికి సంబంధించిన ఫుట్ నోట్సు ఉంటుంది. ఎందుకో తెలియదు కానీ ఇదివరకటిలా ఉత్సాహం ఉండటం లేదు.
సచ్చిదానందన్ - 100 కవితలు అంతా రెడీ... చిన్న చిన్న ఎడిట్స్ ఉన్నాయి.
నన్నునేను ముందుకు తోసుకొనే శక్తి తిరిగి వస్తుందనే ఆశిస్తాను..
***
.
థేరికా
(బుద్ధభగవానుడు అన్నమాటలు)
.
థేరికా
ఇప్పుడు నీవు థేరీలలో కలిసావు
నీకు చిన్నప్పుడు పెట్టిన పేరు ఇన్నాళ్ళకు నిజమైంది
నీవు స్వయంగా కుట్టుకొన్న దుస్తులను కప్పుకొని
హాయిగా నిదురించు
నీ వాంఛలన్నీ కుండలో దాచిన మూలికల్లా
వడలి ఎండి పోతాయి ఇక. (1)
.
ఫుట్ నోట్స్
థెరికా క్షత్రియకుటుంబంలో జన్మించింది. ఒకనాడు ఈమె బుద్ధుని బోధనలు విని ఆకర్షితురాలై, సంఘంలో చేరాలని నిర్ణయించుకొంది. భర్త అందుకు అంగీకరించని కారణంగా గృహస్తుగా సంసారిక బాధ్యతలు నిర్వర్తిస్తూ తథాగతుని బోధనలు మననం కొంటూ జీవనం సాగించసాగింది. ఒకనాడు వంటింట్లో మంటలు చెలరేగగా థెరికాకు ప్రాణాపాయం తప్పింది. ఆ క్షణంలో మానవ జీవితం ఎంత అశాశ్వతమో అర్ధమై, భర్తను ఒప్పించి బౌద్ధ భిక్షుణిగా దీక్ష తీసుకొంటుంది. బుద్ధుడు ఈమెతో అన్నమాటలివి.
బొల్లోజు బాబా
No comments:
Post a Comment