అన్ని నిర్ణయాలు
ముందే అయిపోయాయి
ఏదో కాలక్షేపానికి
జీవించాలి అంతే!
పుట్టినపుడు
మతాన్ని బట్టి
గ్రహాలు పైకీ క్రిందకూ మారతాయి
కులాన్ని బట్టి
తారలు అటూ ఇటూ సర్దుకొంటాయి
కుటుంబాన్ని బట్టి
రాశిచక్రం రూపుదిద్దుకొంటుంది
కలహాలు, ప్రేమలు
పోటీలు, పధకాలు
అన్నీ మనది కాని
ఏదో ప్రణాళికలో భాగాలే
ఆఖర్న మరణం కూడా.
అయినప్పటికీ
ఓ మొగ్గ విరిసినా
ఓ తుమ్మెద వాలినా
ఓ డొలక రాలినా
ఈ చెట్టుకెంత తహ తహ!
వెలుగుని బంధించాననుకొనే
ఈ పత్రాలదెంత అతిశయం!
బొల్లోజు బాబా
No comments:
Post a Comment