Monday, July 29, 2013

ఒక జ్ఞాపకం ....

మొదటి సారి
కలిసి చూసిన  సినిమా టిక్కెట్టు
నాది నావద్ద భద్రంగా ఉంది
తన వద్ద కూడా
ఉండి ఉంటుందా!

రాత్రి పొడవునా
చూపులు వర్షిస్తూనే ఉన్నాయి
స్వప్నం అంచుల చుట్టూ
ఆలోచనల చీమలు చేరి
కతుకుతున్నాయి.

చీకటి వేళ్ళు
హృదయంలో లోతుగా
పాతుకొంటున్నాయి.

స్వరపేటికపై వసంతాల్ని
నాట్యం చేయించిన పిట్ట
వర్షాన్నలా వింటూ ఉండిపోయి
నిలువెల్లా తడిచిపోయింది.
బిరబిరా పారుతున్న గాలికి
గజ గజ వణుకుతోంది.

ఛ..ఛ... మరచిపోవటం ఎలానో
జ్ఞాపకం ఉంచుకోకూడదు ఇకపై..

బొల్లోజు బాబా

5 comments:

  1. This comment has been removed by the author.

    ReplyDelete
  2. Nice Bolloju Baba garu. It is so long .

    with best regards

    ReplyDelete
  3. మీ జ్ఞాపకం ఆర్ద్రంగా ఉంది బొల్లోజు బాబాగారూ!

    ReplyDelete
  4. మరచిపోవటం ఎలానో
    జ్ఞాపకం ఉంచుకోకూడదు ఇకపై

    ఈ లైన్ అద్భుతంగా ఉందండీ

    ReplyDelete