వెలుతురు తెరలపై
పిక్సెల్ నీడల డిజిటల్ సింఫొనీ
స్వప్నాలు, హృదయాలు, వాంఛలు
అమ్మకాలు కొనుగోళ్ళు నవ్వులు కన్నీళ్ళు
బైట్లు బైట్లుగా ప్రవహించే ఉద్వేగాలు
అన్నీ బైనరీ భాషలోనే
వెలుతురు తెర మర్రినీడలో
ఒంటరితనం వేళ్ళుపాదుకొని
మహావృక్షంలా ఎదుగుతుంది
కొత్తపరిచయాలతో ముంచెత్తే కనెక్టివిటీ
వాస్తవలోకపు ఒక్క స్నేహాన్నీ మిగల్చదు
ఈ సిలికాన్ చిప్పుల మైదానంలో
కర్ణపేయంగా
వినిపించే డిజిటల్ సింఫొనీ ఇది
ఆత్మలను వెలుతురు తెరతో మిళితం చేసే
మానవజాతి ఎత్తుకొన్న కొత్తరాగమిది.
మనిషి యంత్రంగా మారటం వింతకాదిపుడు
యంత్రం మనిషిగామారటం వింత
బొల్లోజు బాబా
No comments:
Post a Comment