సుజాత - థెరిగాథ
.
అన్నిరోజుల్లాగే ఆరోజు కూడా మొదలైంది
చక్కని దుస్తులు ధరించాం, అల్పాహారాలు తిన్నాం
తినుబండారాలు, పానీయాలు మూటగట్టుకొని
బృందావనానికి వ్యాహ్యాళికి బయలుదేరాం
అంజనా వనాన్ని దాటేటపుడు
“ఆరామాన్ని దర్శించటానికి రా” అని ఎవరో
పిలుస్తున్నట్లు వినిపించింది
తలుపు తెరిచాం
అక్కడ ఆయన
నాకెలా తెలిసింది?
ఆ కళ్ళు
మౌనంగా ఎదురుగా కూర్చొన్నాను
బుద్ధభగవానుడు ధమ్మను బోధించారు.
నువ్వే
సిద్ధంగా ఉన్నావా మరి?
అన్నిరోజుల్లాగే ఈ రోజు కూడా మొదలయ్యిందా?
.
సుజాత ఒక సంపన్న వర్గ స్త్రీ. ఆమె తల్లిదండ్రులు ఒక చక్కని ధనవంతుడైన అబ్బాయికిచ్చి పెళ్ళి చేసారు. ఆనందకరమైన వైవాహిక జీవితాన్ని సాగిస్తున్న సుజాత ఒకనాడు బుద్ధభగవానుని దర్శించి, ఆయన బోధనలు విని సన్యసించాలని నిర్ణయించుకొంటుంది. భర్త, అత్తమామల అనుమతితో మఠవాసినిగా మారింది.
అనువాదం
బొల్లోజు బాబా
No comments:
Post a Comment