నెమలీక - The Peocock's feather by Satchidanandan
.
చిన్నప్పుడు
పుస్తకపేజీల మధ్య నెమలీకను దాచుకొని
అది పిల్లలు పెడుతుందని ఎదురుచూసేవాడిని
కౌమారంలో
నెమలీక అంటే ప్రియురాలి రాధ
నీలికనులను ప్రేమించే
అమరప్రేమికుని మోహపూరిత స్వప్నం
యవ్వనంలో
నెమలీక అడవి పిలుపు
నీలిసముద్ర స్నానం
ఇప్పుడు
నెమలీకను చూస్తే
ఎన్నో సంగతులు గుర్తుకొస్తాయి
నులిమివేయబడిన దాని నీలి మెడ పాడిన చివరిపాట;
బాణం దెబ్బకి ఆగిపోయిన దాని నాట్యం;
ఎన్నటికీ వర్షించని మేఘాలు;
అధోజగత్తులోకి అదృశ్యమైన నది;
విశ్వాసం లేని మనజాతిని నిత్యం వెంటాడేందుకు
అలా తెరుచుకొని ఉండిపోయిన దాని నేత్రం
.
Source: The Peocock's feather by Satchidanandan
అనువాదం: బొల్లోజు బాబా
No comments:
Post a Comment