1. గిల్టీ
బండి చక్రం క్రింద
తొండ పడింది
చూస్తూండగానే
దాన్ని గద్ద తన్నుకుపోయింది.
అయిదేళ్ళ మా పాప కళ్ళల్లో
కళ్ళు పెట్టి చూడలేకున్నాను.
****************
2.
దేవుని పటానికి
ప్లాస్టిక్ దండ.
ఎన్నటికీ వాడని
కోపం.
************
౩.
వర్షం వెలిసింది
పక్షులు ఇంకా
ధ్వనించటం లేదు.
౩.
రోడ్డుపై
పేడేరుకొనే పిల్లగాని చమట
కుండీలో
గులాబీల్ని పూయించింది.
4.
వసంతం చివరి రోజున
జన్మించిన సీతాకోక చిలుక
చీమలకు చిక్కింది.
ఇంద్రధనస్సు చచ్చిపోయింది.
బొల్లోజు బాబా
Subscribe to:
Post Comments (Atom)
బావుందండీ !నిత్యం మనలో కలిగే అంతర్మధనం చిన్న పదాల్లో చెప్పారు .
ReplyDeletenice
ReplyDeleteపండుగరోజనో పుట్టినరోజనో పుణ్యం చేద్దామనుకుంటే సమయానికి సాదుజంతువులు, బిక్షకులు కూడా కరువైన వైనం. మీరన్న ఫ్రాగ్మెంట్స్ చాలా కనబడుతున్నాయి జీవితంలో. ఇంకా కాలంలో ఎన్నిచూడాలో ఇలా..
ReplyDeleteచక్కగారాసారు గురువుగారు.
nicely written.
ReplyDeleteకాలమే గొప్ప గురువు
ReplyDeleteశిష్యులందరిని
చివరి మజిలీకి
సాగనంపు
రోడ్డుపై
ReplyDeleteపేడేరుకొనే పిల్లగాని చమట
కుండీలో
గులాబీల్ని పూయించింది.
wow... you keep on using your 'sweet poistion' on us. excellent...Baba garu.
బాగుందండి.వెరీ నైస్.
ReplyDeleteఇప్పుడు ఈ చిన్ని కవితలు చదువుతుంటే ఒకటి అనిపిస్తుంది... వీటిలో ఎంతో అనుభవ సారం ఉంది, మన ఆలోచన పరిధిని పెంచే శక్తి ఉంది... కొనసాగించండి...
ReplyDeleteమిత్రులారా
ReplyDeleteస్పందించిన సహృదయులందరకూ ధన్యవాదములు.
పరీక్షల హడావుడి కారణంగా ఈ మధ్య ఈ వైపుకే రాలేకుంటిని. మన్నించండి.
భవదీయుడు
బొల్లోజు బాబా
"వసంతం చివరి రోజున
ReplyDeleteజన్మించిన సీతాకోక చిలుక
చీమలకు చిక్కింది.
ఇంద్రధనస్సు చచ్చిపోయింది."
చాలా బాగుంది!!