బహుళత్వం

అందరూ సమానమే అన్న
ప్రాతిపదికన ప్రయాణం మొదలెడతాం
ఒకే బాటగుండా వచ్చినందుకు.

కొంతకాలం గడిచాకా
నిన్నూ నన్ను విడదీస్తున్న
తెరలేవో లీలగా తెలుస్తూంటాయి.

నువ్వెవరైతే నాకేంటి
ఇద్దరి రక్తాలు ఒకటే ఆకాశం కదా అంటూ
వాదిస్తాను ఒకానొక ఉద్విగ్న క్షణంలో

నీళ్లను వేరుచేస్తుంది హంస
దాని తూలికల అంచులవెంబడి
రక్తం బొట్లు బొట్లుగా ........

చివరకు
నువ్వు నీ నువ్వుగా, నేను నా నేనుగా
స్పష్టమౌతాం

బొల్లోజు బాబా