రూమీ వాక్యాలు

నిన్ను నీవు పగలకొట్టుకొనేదాకా ఆడుతూనే ఉండు  -- రూమీ

నేను ఈ గాలిలో ఎక్కడో తప్పిపోయాను – రూమీ

నేను నవ్వుతున్నానో  ఏడుస్తున్నానో ఎవరూ చెప్పలేకపోతున్నారు, నాకే ఆశ్చర్యంగా ఉంది – రూమీ

తలుపలా తడుతూనే ఉండు
లోపలి ఆనందం కిటికీ తెరచి “ఎవరదీ?” అని చూసే దాకా! -- రూమీ 

ప్రేమ మతం ఒక్కటే ఇక్కడ రాసి ఉంది.  ఎవరు చెపుతారు ఈ మాట?

నువ్వు నన్ను తెలుసుకో, లోతుగా తెలుసుకో!  -- రూమీ

హృదయాన్ని జాగ్రత్తగా పోషించు.  ఎందుకంటే అది మాత్రమే స్వర్గానికి చేరుతుంది  -- రూమీ

నా ఒక్కని అంగీకారంతోనే నేనిక్కడికి రాలేదు, అలాగే వెళిపోనూ లేను.  ఎవరైతే నన్నిక్కడికి పంపించారో, ఆయనే నన్ను ఇంటికి తీసుకెళ్ళాలి – రూమీ

సూర్యకాంతిలో ధూళిరేణువుల్ని నేను

గుండ్రటి సూర్యబింబాన్ని నేను

ధూళి రేణువులతో నిలిచిపో

సూర్యునితో కదలిపో అన్నాను నేను

నేనే నీవు  -- రూమీ

దూరంనుంచి నీవు నా కాంతిని మాత్రమే చూస్తావు, దగ్గరకు రా... నేనే నీవని తెలుసుకొంటావు – రూమీ

నేను నా ప్రేయసితో నాట్యం చేస్తూ ఉన్నాను

నా హృదయంతో ఊసులాడుకొంటున్నాను

ఈశ్వరుడా

ఉదయాన్ని తెరచే తాళంచెవి

కనిపించకుండా చేయి ఈ రాత్రికి – రూమీ

ఈ రాత్రి నాగురించి వెతక్కు. ఈ రాత్రికి నేను లేను  -- రూమీ