“ఈ సొరంగం చివర
వెలుతురు ఉండి తీరాలి” అన్నాడతను
“ఒకప్పుడు ఉండేదట!
చెదలు తినేసాకా వెలుతురంతా
అయిపోయింది” అన్నారు కొంతమంది వృద్ధులు.
వెలుతురుని వెతుక్కుంటూ సాగిన ఆ యువకుడు
చెదపురుగులకు బలయ్యాడు.
ప్రజలు పడీ పడీ నవ్వుకొన్నారు
అయినవాళ్ళే మూర్ఖత్వమని
గుసగుసలాడుకొన్నారు చాలాకాలం.
కొన్నేళ్ళ తరువాత
వెలుతురు రాజ్యంలో, నగరం మధ్యలో
ఆ యువకుని విగ్రహం
“వెలుతుర్ని స్వప్నించిన వీరుడు”
అనే అక్షరాలతో
బొల్లోజు బాబా
No comments:
Post a Comment