రెండు చింతలు

భుజాలపై చేతులువేసుకొని
నిలుచున్న మిత్రుల్లా ఉండేవి
ఆ రెండు చింతచెట్లు.

నాలుగు తరాల్ని చూసుంటాయి
చివరకు రియల్ ఎస్టేట్  రంపానికి
కట్టెలు కట్టెలుగా చిట్లిపోయాయి.
వేళ్ల పేగులు తెంపుకొని
రెండు చింతలు నేలకొరిగాయి.

వృక్షం నేలకూలితే పిట్టలు
కకావికలం అయినట్లు
హృదయం చుట్టూ  చింతనలు

చిత్రంగా జీవితానికి కూడా
నిత్యం రెండు చింతలు
గతము, భవిష్యత్తూ.

వర్తమాన రంపం
పరాపరా కోస్తుంటే
అక్షరాల రంపంపొట్టు రాలుతోంది

బొల్లోజు బాబా

(నే నడచిన దారిలో నీడనిచ్చిన రెండు చింతచెట్ల  జ్ఞాపకాలతో)