లియొనార్డ్ కొహెన్ రెండు పద్యాలు

1. కిటికీ పైకి లేపాను

కాంతి ఈ కవితపై వాలింది.

ప్రముఖ వీధిలో

ఒక డాబాపై హింసించబడ్డ

అతని పేరు మీద వాలింది.

విరిగిన అతని కాలుకి

ప్రతీకారం తీసుకొంటానని

సూర్యకాంతిపై ప్రమాణం చేస్తున్నాను.

2. కిటికీ పైకి లేపాను

కాంతి ఈ వాక్యాలపై వాలింది

(అసంపూర్ణ వాక్యాలవి)

ముఖ్యంగా ఓ రెండు పదాలపై వాలింది

వాటిని చెరిపేయాలి.

ప్రముఖ వీధిలో

ఒక డాబాపై హింసించబడ్డ

అతని పేరు అది.

అతని సలహా తీసుకొంటానని

నా కవిత్వంలో ఆ సాక్ష్యాలు తొలగిస్తానని

గాయపడ్డ అతని కాలు గురించి మర్చిపోతానని

సూర్యకాంతిపై ప్రమాణం చేస్తున్నాను.

                    

లియొనార్డ్ కొహెన్ --- Energy of Slaves నుండి

తెలుగు అనువాదం - బొల్లోజు బాబా