ఫ్రాగ్మెంట్స్

1.
ఆకాశం
తన పెదాలకు
ఏడురంగుల లిప్ స్టిక్
కొట్టుకొంది

2.
ఒంపులన్నీ
సరిగ్గా ఉన్నాయో లేదొ
ఆఖరుసారి అద్దంలో చూసుకొని
బయటకు అడుగుపెట్టింది
నెలవంక

3.
యానాం ఎలా వెళ్లాలి
కాకినాడ మీదుగానా రాజమండ్రి మీంచా?

కవిత్వ సంధ్యను ఎలా చేరుకొన్నా
ఆ సౌందర్యం లోంచి
బయటకు రాలేరు.

4.
ఫెళఫెళార్భాటాలతో
విరిగిముక్కలయింది
ఇంద్రధనుసు
నీవు మౌనం దాల్చటంతో

5.
విద్య మద్యం
ఇక్కడ MRP ధరలకే
అమ్మబడును.
ఉరేసుకోవటానికి "పెర్మిట్ రూమ్"
సదుపాయం కూడా కలదు

బొల్లోజు బాబా