ఒక..... పురా.... ప్రకాశం....

శివారెడ్డి గారికి జన్మదిన శుభాకాంక్షలు

(నేను అభిమానించే ముగ్గురు కవుల్ని ఇలా ఓ కవితలో చూసుకొని మురిసిపోతూంటాను....)

ఒక..... పురా.... ప్రకాశం....

ఒక సభానంతర సంభాషణలో
శివుని చుట్టూ చీమలు మూగాయి
చలి కాచుకొనేందుకు

చలిమంట జలపాతాన్ని ఆవిష్కరించిన
శివుడు తానే చలిమంటై
నృత్యం చేయనారంభించాడు

పుల్లలని ఎగదోసే మిషతో
తానూ చలిమంటలో లయమైపోయాడు
మణుల శిఖుడు

చలిమంట వెలుగుల్ని తొడుక్కొన్న
ఎడతెగని ప్రయాణం
కవిత్వంలో సంగమించింది
*******

కాళిదాసు,భవభూతి, దండి ఏనాడో
చంద్రుని చలిమంటగా కాచుకొనే ఉంటారు
ఏనుగు కుంభస్థలాన్ని చీల్చి దోచుకొన్న ముత్యాలలో
ఒకరినొకరు చూసుకొని మురిసిపోయే ఉంటారు.

లిప్తపాటు మెరిసిమాయమయ్యే దీపశిఖ వెలుగుల్లో
అనంతంగా ప్రకాశిస్తూనే ఉన్నారు
చలిమంటై....... నేటికీ.....

బొల్లోజు బాబా

(గోదారి పలకరింపు పుస్తకావిష్కరణ సందర్భంగా 2018)