పెద్ద యంత్రం తొండంతో
చెరువు పూడిక తీస్తోంది
గతాన్ని పొరలు పొరలుగా
తొలగించి పారేస్తోంది.
రేపో మాపో
చెరువులోకి కొత్తనీరు ఎక్కుతుంది
సృష్టి అపూర్వ రాగాన్ని ఎత్తుకొంటుంది
కొత్తచేపలు కిలకలు వేస్తాయి
తామర దుంపలు కొత్త మోసులెత్తుతాయి
కెరటాలు నురగలై తిరగబడతాయి
గుండె నిండా
అస్కలిత వీర్యాలు, అవాంఛిత స్వప్నాలు
చెరగని మరకలు, విరిగిన వాక్యాలు
ఘనీభవించిన కన్నీరు.
గుండె పూడిక ఎవరైనా తీస్తే బాగుణ్ణు!
బొల్లోజు బాబా
Monday, January 30, 2017
Subscribe to:
Post Comments (Atom)
No comments:
Post a Comment