అలిఖిత కవిత The Unwritten Poem by K. Sachidanandan
ఇంకా ఎవరూ రాయని కవితను నేను
ఎందరో కవుల వేలికొనల వరకూ ప్రయాణించి
సరైన లిపి లేక అవ్యక్తప్రేమలా
స్వప్నంలోకి వెనుతిరిగాను ఎన్నోసార్లు
భవిష్యత్తును వ్యక్తీకరించగలిగినంతవరకూ
భాషపట్ల నాకే ఆక్షేపణా లేదు.
ఏదో ఒక రోజు నాక్కావాల్సిన పదాల్ని పట్టుకొంటాను:
ఓ కొత్త నక్షత్రపు నీడలో
ఖాళీపేజీపై ఒక తెరచాప విచ్చుకొని
మెలమెల్లగా పైకిలేచి రెపరెపలాడటం
విప్పారిన కళ్ళతో ఓ పిలగాడు తదేకంగా చూస్తాడు.
.
మూలం The Unwritten Poem by
అనువాదం: బొల్లోజు బాబా
No comments:
Post a Comment