ఒట్టిపోయిన సెక్స్ వర్కరో
పట్టుబడిన అభాగ్యురాలో
ఆమె ఎవరైతేనేం!
బతికుండగానే చర్మం
ఒలచబడుతుంది
విషాదమేమంటే
అప్పుడు కూడా
తెల్లతోలుకు విలువెక్కువ.
దేహంపై పేదరికం
చేసిన మచ్చను జీవితాంతం
మోసుకుతిరుగుతుందామె
'పట్టువంటి నీ మృదువైన చర్మం
వయసుని తెలియనివ్వదు' అంటూ
ఎక్కడో ఎవరో
ప్రశంసింపబడుతూంటారు.
మరొక వ్యక్తి మూడడుగుల
చర్మాన్ని ఒలిచి అతికించుకొన్న
సౌందర్యం అది.
ఎన్నటికీ మట్టిలో కరగదు
అనుకొంటున్నారు.
బొల్లోజు బాబా
No comments:
Post a Comment