చర్మం రంగు

ఈ క్రింది లింకులో ఒక కవిత



http://www.saarangabooks.com/magazine/2013/08/14/%E0%B0%9A%E0%B0%B0%E0%B1%8D%E0%B0%AE%E0%B0%82-%E0%B0%B0%E0%B0%82%E0%B0%97%E0%B1%81/



భవదీయుడు

బొల్లోజు బాబా

కొన్ని పదాల గురించి......

ఏమీ గుర్తు లేవిపుడు

జేబుడు సూర్యకిరణాలు

గుప్పెడు చందమామ 

ముక్కలు తప్ప.

దుఃఖాశ్రువులు నిండిన

సాయింత్రాన్ని

రాత్రి రెప్పల క్రింద

నిదురపుచ్చి అన్నీ 

మరచిపోదామనుకొంటాను

కానీ

కొన్ని పదాలు నా నుండి రాలిపడి

ఓ ఎడారిని సృష్టిస్తాయి

ఆ ఎడారిలోంచి ఓ అరణ్యము

ఆ అరణ్యం లోంచి కుంభవృష్టీ

ఒక్కొక్కటిగా విచ్చుకొని

నన్ను కబళిస్తాయి.

నానుంచి పుట్టినదైనా

నన్నో పూచికపుల్లను చేసి

కొట్టుకొని పోతుంది

ఏమీ గుర్తులేవిపుడు

జేబుడు పదాలు

గుప్పెడు కలల

ముక్కలు తప్ప

బొల్లోజు బాబా