Friday, September 30, 2022

సేల్స్ టార్గెట్





విశాలమైన మైదానం
ఓ వేటకుక్క కుందేలును తరుముతోంది
పరిగెత్తి పరిగెత్తి ఒక్కసారిగా
మలుపుతీసుకొంది కుందేలు
వేటకుక్క బాలెన్స్ తప్పి తడబడింది
గాలిలోకి దుమ్ము లేచింది
తేరుకొని మరలా పరుగు
మొదలైంది
ఒకదానివెంట మరొకటి
ఎన్నిసార్లు
తప్పించుకోగలదు కుందేలు?
కుందేలు దేహాన్ని బుట్టలో వేసుకొని
కుక్క తల నిమిరాడు
వేటగాడు ప్రేమతో
.
బొల్లోజు బాబా

No comments:

Post a Comment