అడవిలో అద్దం

అడవిలో అద్దం
.
ఒక చిరుతపులి
దాని ముందు నడుస్తూ ఒక్కసారి ఆగింది
అద్దంలో దాని ప్రతిబింబం కూడా ఆగింది
కొంచెం ముందుకు కదిలింది
ప్రతిబింబం కూడా
దగ్గరకు వెళ్ళింది
దగ్గరకు వచ్చింది
ముంగాలితో దాన్ని తాకింది
అది కూడా తాకింది
భయపడింది
చరిచింది
అరిచింది
ఉరికింది
అలసిపోయి నేలపై కూలబడింది
ఈ ప్రపంచం కూడా
ఏదో ఒకరోజు దానిముందు
నేను అలా కూలబడక పోతానా
అని ఎదురుచూస్తోంది
.
బొల్లోజు బాబా
3/07/2022