ప్రకటన

అమ్మాయి పేరు తేజోమహలట
సంబంధాలు చూస్తున్నారు

పెద్ద అందగత్తె ఏంకాదు
ఒంటినిండా కురుపులు, రోమాలు
మెల్లకన్నూ ఎత్తుపళ్ళు వంకర కాళ్ళూ

ఏ పనీ రాదుట
సోమరి వంకరబుద్దీ అంటారు
జుట్టువిరబోసుకొని దెబ్బలాటలకు దిగటం
స్నేహితుల మధ్య నిప్పులు పొయ్యటం
అడ్డగోలుగా వాదించి గెలవటం హాబీలట

వచ్చే ఎన్నికల్లోగా
ఆమెను ఎలాగైనా ఒకింటిదాన్ని చేయాలట
కట్నకానుకలు భారీగానే ఇచ్చేలా ఉన్నారు

ఏమైనా సంబంధాలుంటే చెప్పండి.

బొల్లోజు బాబా